Արցախի Հանրապետութեան Ազգային ժողովի նախագահ Արթուր Թովմասեան հանդիպած է  խումբ մը տեղահանուածներու հետ՝ «Գեն» նախաձեռնութիւններու կեդրոնի հիմնադիր Արմինէ Աւակիմեանի գլխաւորութեամբ: Ողջունելով հասարակական  նախաձեռնութիւնները՝ խորհրդարանի ղեկավարը կարեւորած է հանրութիւն մտահոգող հարցերու բարձրաձայնումը նման կառոյցներու կողմէ: Հանդիպման ընթացքին խօսուած է տեղահանուածներու հիմնախնդիրներուն մասին: Նշուած է, որ անոնք միշտ խորհրդարանի ուշադրութեան կեդրոնն են, իւրաքանչիւր ծրագիր, օրէնսդրական նախաձեռնութիւն, որ կը նպաստէ տեղահանուածներու ընկերական խնդիրներու լուծման, աջակցութիւն կը ստանայ օրէնսդիրին կողմէ:

«Իմ պայքարս 2 ուղղութեամբ է՝ Արցախի կարգավիճակ եւ զոհուած ազատամարտիկներու ընտանիքներու, տեղահանուածներու, աղքատներու եւ ճնշուածներու շահերու պաշտպանութիւն», – նշած է Արթուր Թովմասեան: 

Անդրադառնալով բռնի տեղահանուածները բնակարանով ապահովելու հարցին, Արթուր Թովմասեան նշած է, որ ծրագիրը փաստացի մեկնարկած է 2021 թուականի Յուլիսի 1-էն ու աւարտին պիտի հասցուի 2024 թուականի Յուլիսին: 

Ներկայիս Արեւմտեան Հայաստանը մասնաւորապէս կը զբաղի Արցախի բնիկ հայերու իրաւունքներու պաշտպանութեամբ։ Մարդու իրաւունքներու Եւրոպական դատարանին մէջ կը քննուին շուշեցի ընտանիքներու գործերը, որոնք համապատասխան ընթացք պիտի ստանան յառաջիկային։