Հայաստան-Ատրպէյճան հակամարտութեան կարգաւորումը հրամայական է Հայաստանի եւ Հարաւային Կովկասի խաղաղ ապագային համար, յայտարարած է նախագահ Ճօ Պայտընի կողմէ Հայաստանի մէջ ԱՄՆ դեսպանի թեկնածու առաջադրուած Քրիստինա Քուին  Սենատի արտաքին յարաբերութիւններու յանձնաժողովին մէջ։

Դեսպանի պաշտօնին իր հաստատման հարցով լսումներու ժամանակ դիւանագէտը նշած է, որ ԱՄՆ-ը կը շարունակէ աշխատիլ օգնելու երկու կողմերուն երկարատեւ խաղաղ լուծման հասնելու համար:

Քուին խոստացած է իր թեկնածութեան հաստատման պարագային սերտօրէն աշխատիլ այդ յանձնաժողովի եւ Քոնկրէսի բոլոր անդամներուն հետ Հայաստանի մէջ Միացեալ Նահանգներու շահերն առաջ տանելու համար, նաեւ Հայաստանի ժողովրդավարութիւնը, անվտանգութիւնն ու տնտեսութիւնն ուժեղացնելու ուղղութեամբ։

Հայաստանի մէջ ԱՄՆ դեսպանի թեկնածուն յայտարարած է, որ եթէ իր թեկնածութիւնը հաստատուի, կը պարտաւորուի իր ուժերու սահմաններուն մէջ ամէն ջանք ի գործ դնել, յիշելու համար Հայերու դէմ իրականացուած Ցեղասպանութեան զոհերը եւ աջակցելու Հայաստանի խաղաղ ապագային: 

Արեւմտեան Հայաստանը դրական կը գնահատէ Հայաստանի Հանրապետութեան մէջ ԱՄՆ դեսպանի թեկնածու առաջադրուած Քրիստինա Քուինի յայտարարութիւնները, նշելով, որ ԱՄՆ-ը յանձնառու է նաեւ Սեւրի դաշնագիրի իրագործման ուղղուած քայլերուն համար, քանի որ  միայն Սեւրի դաշնագիրը կրանյ խաղաղութեան ամուր օրակարգ հաստատել տարածաշրջանին մէջ։