Արցախի Հանրապետութեան Մարտունի շրջանի Կարմիր շուկայ համայնքին մէջ Կարմիր խաչի միջազգային կոմիտէի աջակցութեամբ կը վերանորոգուի մանկապարտէզը: 

Այս լուրին մասին համայնքապետ Նարեկ Աթայեան յայտնած է․ «Շինարարական աշխատանքները սկսած են տակաւին ամրան սկիզբը: Մինչեւ հիմա կ’օգտագործուէր շէնքին մէկ մասը, այժմ՝ վերանորոգման աշխատանքները կ’ընթանան գրեթէ երկու մասնաշէնքին մէջ: Վարպետները բաւական արագ կը կատարեն աշխատանքները: Կը կարծեմ, որ նոր տարիէն ետք վերանորոգումն աւարտին պիտի հասցուի: Ի վերջոյ պիտի ունենանք լաւ պայմաններ, կեդրոնացած ջեռուցում: Վերանորոգման պատճառով մանկապարտէզն իր գործունէութիւնը կ’իրականացնէ դպրոցի շէնքին մէջ»

Արեւմտեան Հայստանը դրական կը գնահատէ Արցախի մէջ իրականացուող շինարարական աշխատանքներու նման արագ ընթացքը, քանի որ ենթակառուցուածքներու զարգացումը պիտի յանգեցնէ անոր, որ արցախցին մնա՛յ եւ արարէ իր հողին վրայ։