«Ապագայ Հայկականը» նախաձեռնութիւնը Ախալքալաքի մէջ կազմակերպեց իր առաջին տեղեկատուական հանդիպումը, որուն նպատակն էր բնակչութեան իրազեկումը 2023 թուականի Մարտի 10-12-ը Երեւանի մէջ կայանալիք համաժողովին գրանցման եւ մասնակցութեան մասին: Հանդիպման ներկայ էին երիտասարդներ Ախալաքալաքի եւ Նինոծմինտայի շրջաններէն, ոչ կառավարակական կազմակերպութիւններու ներկայացուցիչներ, մշակութային գործիչներ եւ այլք:

«Ապագայ Հայկականը» հանրային նախաձեռնութիւն է՝ մեկնարկած աշխարհասփիւռ հայութեան եւ Հայաստանի բարեկամներու կողմէ, որուն նպատակն է ձեւաւորել Հայրենիքի ու տարագիր հայերու կայուն զարգացման նպատակներուն շուրջ համընդհանուր փոխըմբռնում: Նախաձեռնութիւնն արդէն իսկ համախմբած է 110 հազարէ աւելի համակիրներ՝ աշխարհի 108 երկիրներէ: Հեղինակաւոր փորձագէտներու եւ հասարակութեան լայն մասնակցութեամբ «Ապագայ Հայկականը» ձեւակերպած է համահայկական 15 նպատակներ: Իւրաքանչիւր չափահաս հայու համար, որ պատրաստ է իր մասնակցութիւնը բերել Հայրենիքի ու  տարագիր հայերու ապագայի կերտման, Համաժողովը հիանալի հնարաւորութիւն կը ստեղծէ լսելի դարձնելու իր կարծիքը, մասնակցելու քննարկումներուն եւ կազմելու նպատակներուն հասնելուն ուղղուած առաջարկներու փաթեթներ:Համահայկական առաջին Համաժողովին մաս կազմելու համար անհրաժեշտ է ընդամէնը լրացնել մասնակցութեան յայտը՝ ուղարկելով այն convention@futurearmenian.com  ելեկտրոնային հասցէին: