Երեւանեան հեռանկարներ միջազգային երաժշտական 23-րդ փառատօնը կը ներկայացնէ «Ֆողմիտապլը Ազնաւուր» նախագիծը՝ բեմադրուած թատերական «այլախոհ» Ժիլ Մարսալայի կողմէ:

Երաժշտական ներկայացումը հանդիսատէսը կը տեղափոխէ Փարիզի փողոցներ «Պոհէմեան» ժամանակաշրջանին եւ կը պատմէ աշխարհահռչակ շանսոնիէի անցած ճանապարհը եւ կեանքի պատմութիւնը: Ներկայացման ընթացքին կը հնչեն Ազնաւուրի բոլոր ժամանակներու սիրուած երգերը: Նշենք, որ համերգ-ներկայացումը մշտապէս կը գտնուի միջազգային մամլոյ ուշադրութեան կեդրոնը եւ կ’արժանանայ բարձ գնահատականներու՝ համարուելով Շառլ Ազնաւուրի կեանքի պատմութիւնը ներկայացնող ամէնէն իւրայատուկ համերգ-ներկայացումը: