«Եօթը սարի ետեւը» հայրենաճանաչողական, գիտակրթական մրցոյթ-փառատօնի ծիրին մէջ Արշաւիր Շաւարշեանի անուան թիվ 40 դպրոցին մէջ կայացաւ Արցախի Հանրապետութեան Քաշաթաղ շրջանի «Մերան» պաշտօնաթերթի խմբագիր Զոհրապ Ըռքոյեանի լուսանկարներու ցուցահանդէսը, ուր հեղինակը կը պատմէ Քաշաթաղի մշակութային ժառանգութեան մասին։ Զոհրապ Ըռքոյեան աւարտած է Երեւանի պետական համալսարանի բանասիրական ճիւղը, լրագրող է, ազատամարտիկ եւ լուսանկարիչ։ «Վերջին լուսանկարները կատարած եմ մինչեւ 44-օրեայ պատերազմը՝ Սեպտեմբերի 26-ին պատարագի ժամանակ։ Որպէսզի վերադառնանք եւ չկորսնցնենք մեր հաւատքն ու ուժը, պէտք է պայքարինք եւ իմ գործս ապագայ սերունդները պիտի շարունակեն»,- ըսած է լուսանկարներու հեղինակը ցուցահանդէսի բացման ժամանակ։