ԱՄՆ-ի օդագնացութեան եւ տիեզերական գործակալութեան (NASA) կողմէն կազմակերպուած «World Tournament» առցանց լուսանկարչական մրցոյթին տիեզերագնաց Քէյթ Ռուպինսի կողմէ կատարուած Արեւմտեան Հայաստանի Վանայ լիճի լուսանկարը գրաւեց առաջին տեղը, իսկ Վանայ լիճը դարձաւ բոլոր ժամանակներու ամէնէն գեղեցիկ ու ամէնէն ուշագրաւ լիճը: 

Ներկայ դրութեամբ պատկերը այլ է․ տեղումներու նուազման եւ գոլորշիացման աշխուժացման պատճառով լիճին ջուրն արագօրէն կը ցամքի։ Վանայ լիճի ջուրը Դատուանի ափամերձ ափէն մօտ 3մ նահանջած է։ Ցամքելուն զուգահեռ ջուրին երեսը դուրս եկած է լիճը նետուած տարատեսակ աղբի թափօններ, որոնք ոչ պակաս աղէտ են լիճին համար։ Վերէն նկարահանուած տեսարաններուն մէջ նոյնպէս յստակ է լիճին անմխիթար վիճակը: