Արցախի Հանրապետութեան նախագահին առաջարկով Դեկտեմբերի 9-ին գումարուած է ԱԺ արտահերթ նիստ՝ նախաձեռնողին սահմանած օրակարգով: Նախքան նիստի աշխատանքներուն անցնելը՝ ԱԺ նախագահ Արթուր Թովմասեան Դեկտեմբերի 9-ի՝ ՄԱԿ-ի կողմէ հաստատուած ցեղասպանութիւններու կանխարգելման եւ դատապարտման օրուան առթիւ հրապարակած է ԱՀ ԱԺ առաջարկը. «Ռուսիոյ, Ամերիկայի Միացեալ Նահանգներուն, Ֆրանսային, աշխարհի բոլոր պետութիւններուն եւ անոնց խորհրդարաններուն ԱՀ Ազգային ժողովը կ’առաջարկէ՝ դատապարտել Ատրպէյճանի ներկայ սադրիչ գործողութիւնները Արցախի Հանրապետութեան ու անոր ժողովուրդին նկատմամբ եւ որակած այն որպէս  21-րդ դարուն իրականացուող ցեղասպանութիւն, որ սկսած էր տակաւին 19-րդ դարու վերջը եւ շարունակուած  1915-1923 թուականին՝ Արեւմտեան Հայաստանի մէջ, բնիկ հայ ազգին դէմ»: 

Այնուհետեւ խորհրդարանը լռութեան վայրկեանով յարգած է բոլոր պետութիւններուն մէջ ցեղասպանութեան ենթարկուած անմեղ զոհերու յիշատակը: