Հայկական ուսումնասիրութիւններու եւ հետազօտութիւններու ազգային միութիւնը (NAASR), Հայկական ուսումնասիրութիւններու միութիւնը (SAS) եւ Արարատ-Էսքիճեան թանգարանը պիտի ներկայացնեն ուեպինար դոկտոր Ումիթ Քուրթին հետ Երեքշաբթի, 13 Դեկտեմբեր, 2022թ., ժամը 19:30-ին՝  «Ցեղասպանութեան տեխնոկրատ Թալիաթ փաշա. Մուսթաֆա Ռեշատ Միմարօղլուի կենսագրութիւնը» խորագիրով:

Որպէս երիտասարդ տեխնոկրատ, որ կ’աշխատէր Թալիաթ փաշայի իրաւասութեան ներքոյ գտնուող Ներքին գործոց նախարարութեան քաղաքական վարչութեան մէջ՝ Մուսթաֆա Ռեշաթ Միմարօղլու  մեծ դեր ունեցած է  Կ. Պոլսոյ մէջ 1915թ  Ապրիլի  24-ին  հայ մտաւորականներու եւ քաղաքական վերնախաւի ձերբակալութիւններու  կազմակերպման եւ իրականացման գործին մէջ։ Մուսթաֆա Ռեշաթ  Ցեղասպանութենէն ետք հասաւ ազդեցիկ դիրքերու Թուրքիոյ մէջ։

Այս ելոյթին մէջ դոկտոր Ումիթ Քուրթ պիտի խօսի Ցեղասպանութենէն ետք Թուրքիոյ մէջ Մուսթաֆա Ռեշաթի կենսագրութեան,  իշխանութեան գալուն մասին՝ ներառեալ անոր յարաբերութիւնները հայ լրագրող եւ փրոֆեսոր Տիրան Քելեքեանին հետ, որ ձերբակալուած էր իր նախկին ուսանող Միմարօղլուի կողմէ եւ սպաննուած։ Ինչպէս նաեւ պիտի դիտարկէ ժամանակակից Թուրքիոյ ցեղասպան ռեժիմի շարունակութիւնը եւ բացայայտէ, թէ վարչական/պաշտօնակալական  որ ​​մեխանիզմները հնարաւոր դարձուցին Հայերու Ցեղասպանութիւնը, եւ ինչպէս տեխնոկրատները նպաստեցին ցեղասպանութեան իրագործման:
Ուեպինարն ուղիղ եթերով հասանելի պիտի ըլլայ Zoom կայքէն https://us02web.zoom.us/webinar/register/WN_sebqXbbCTraJ4JgYiCzqGA եւ NAASR-ի YouTube ալիքով: https://www.youtube.com/c/ArmenianStudies