Արցախի մարդու իրաւունքներու պաշտպան Գեղամ Ստեփանեան ֆէյսպուքեան գրառում  կատարած է.  «Ատրպէյճանի կողմէ 2020թ. 44-օրեայ պատերազմի ժամանակ ֆոսֆորային զէնքի կիրառութեան փաստը բազմաթիւ յայտարարութիւններէն ու տեսանիւթերէն զատ, հաստատուեցաւ նաեւ փորձագիտական եզրակացութեամբ։  Տակաւին 2020թ. Հայաստանի եւ Արցախի Հանրապետութիւններու մարդու իրաւունքներու պաշտպանները համատեղ զեկոյց հրապարակած էին ատրպէյճանական զինուած ուժերուն կողմէ Արցախի մէջ հրկիզող, քիմիական տարրեր պարունակող զանգուածային ոչնչացման զինատեսակ կիրառելու վերաբերեալ: ԱՀ մարդու իրաւունքներու պաշտպանին կողմէ կատարուած փաստահաւաք աշխատանքներու ծիրին մէջ յայտնաբերուած ու հետազօտուած են ենթադրաբար ֆոսֆորային զէնքի կիրառութեան մասին վկայող շարք մը տեսանիւթեր, արցախեան եւ հայաստանեան բժշկական հաստատութիւններու մէջ բժշկական օգնութիւն  ստացած են տարբեր աստիճանի քիմիական այրուածքներով զինուորականներ: Փորձաքննութեան արդիւնքները անառարկելի վկայութիւն են, որ 44-օրեայ պատերազմի ընթացքին Ատրոէյճան գործած է պատերազմական յանցագործութիւններ՝ անտեսելով միջազգային մարդասիրական իրաւունքի նորմերն ու անոնցմով ստանձնած պարտաւորութիւնները։

Միջազգային հանրութիւնը իրաւունք չունի անտեսելու այն փաստերը, որոնք կը վկայեն Ատրպէյճանի յանցաւոր նպատակներու եւ գործողութիւններու մասին եւ հաւատալ ատրպէյճանական կեղծ եւ անհիմն «երաշխիք-խոստումներուն»։