Վրաստանի մէջ Հայաստանի Հանրապետութեան դեսպան Աշոտ Սմբատեան Ախալքալաք կատարած այցի ծիրին մէջ հանդիպում ունեցած է շրջանի ղեկավարութեան հետ, այցելած Ախալքալաքի Սուրբ Խաչ եկեղեցին եւ Թիւ 4 հայկական դպրոցը:

Պաշտօնական այցի ծիրին մէջ ՀՀ դեսպանը հանդիպում ունեցած է Ախալքալաքի քաղաքապետ Մելքոն Մակարեանին, Սակրեպուլոյի նախագահ Նայիրի Իրիցեանին եւ քաղաքապետարանի աշխատակիցներուն հետ: Քաղաքապետարանի նիստերու դահլիճին մէջ Աշոտ Սմբատեան շնորհակալութիւն յայտնեց ընդունելութեան համար, խօսեցաւ հայ-վրացական բարեկամութեան դարաւոր պատմութեան կարեւորութեան մասին եւ պատասխանեց ներկաները յուզող հարցերուն:

Դեսպանը հանդիպումներ պիտի ունենայ նաեւ Նինոծմինտայի մէջ: