Ատրպէյճանի կողմէ Արցախի Հանրապետութեան կազամատակարարումը դադրեցնելը, Բերձորը փակելը պետական մակարդակով ահաբեկչական արարքներ են Արցախի ողջ բնակչութեան նկատմամբ, յայտարարած է ՀՀ մարդու իրաւունքներու նախկին պաշտպան Արման Թաթոյեան։

«Կազէ, ջեռուցումէ եւ տաք ջուրէ մտադրուած կերպով զրկած են 120,000-է աւելի խաղաղ բնակիչներ՝ երեխաներ ու տարէցներ, հիւանդանոցներ, դպրոցներ, մանկապարէզներ՝ առաջացնելով մարդասիրական աղէտ եւ մարդոց իրաւունքներու զանգուածային խախտումներ: Չեն գործեր դպոցներն ու մանկապարտէզները:


Անկէ բացի, արդէն երկրորդ օրն է, որ «բնապահպան» ներկայացող ատրպէյճանցիներ, իրականութեան մէջ` զինուորականներ ու պետական ծառայողներ, Դեկտեմբերի 12-ի առաւօտեան ժամը 10:30-էն փակ կը պահեն նաեւ Բերձորը՝ Շուշի – Քարին տակ հատուածին մէջ՝ կտրելով միակ կապը Գորիսի տարածաշրջանի  ու Արցախի միջեւ:

Այս բոլորը ոչ թէ իրարմէ կտրուած արարքներ են, այլ միասնական քաղաքականութեան, մէկ միասնական շղթայի բաղկացուցիչ մասեր են. ատելութեան ու թշնամանքի քաղաքականութիւն, որ ունի ցեղային ու կրօնական հիմքեր:

Դեռ ինչպէ՞ս կ’ըլլան ցեղասպան քաղաքականութիւնն ու ցեղային զտումները: Տիպիկ քրէօրէն պատժելի միջազգային յանցաւոր վարքագիծ:

Այս յանցաւոր քաղաքականութեան ապացոյցները պիտի ուղարկուին միջազգային կազմակերպութիւններուն»,- ընկերային ցանցի իր էջին գրած է Արման Թաթոյեան: