ԵՄ արտաքին քաղաքական ծառայութեան խօսնակ Փիթըր Սթանօ անդրադարձած է Բերձորի մէջ ստեղծուած իրավիճակին:

«Եւրոպական միութիւնը մտահոգութեամբ կը հետեւի Դեկտեմբերի սկիզբէն Բերձորի շուրջ զարգացումներուն։ ԵՄ-ը կոչ կ’ուղղէ Ատրպէյճանի իշխանութիւններուն ապահովել Բերձորով տեղաշարժի ազատութիւնն ու անվտանգութիւնը՝ 2020 թուականի Նոյեմբերի 9-ի եռակողմ յայտարարութեան համապատասխան:

Ազատ տեղաշարժի սահմանափակումները տառապանք կը պատճառեն տեղի բնակչութեան եւ կը ստեղծեն մարդասիրական մտահոգութիւններ։ Բոլոր այլ մտահոգութիւնները կրնան եւ  պէտք է լուծուին ներգրաւուած կողմերուն հետ երկխօսութեան եւ խորհրդակցութիւններու միջոցով: Եւրոպական միութիւնը զսպուածութեան կոչ կ’ուղղէ եւ պատրաստ է նպաստել իրավիճակը կարգաւորելուն ուղղուած ջանքերուն»,- նշուած է ԵՄ արտաքին քաղաքական ծառայութեան խօսնակի յայտարարութեան մէջ:

Արեւմտեան Հայաստանը կը գտնէ, որ շրջափակելով Արցախը եւ կտրելով Բերձորէն Գորիսի շրջանի բոլոր ելքերը՝ բնապահպանական պատճառներով կը շարունակուին բնիկ հայ բնակչութեան ցեղային զտումները։ Կը մնայ սպասել, թէ ինչ քայլերու պիտի դիմեն Երեւանի իշխանութիւնները արցախահայութիւնը պաշտպանելու համար։