Արեւմտեան Հայաստանի Շրնաք նահանգի Պեսթա, Ճուտի եւ Կապար շրջաններուն մէջ շուրջ երկու տարի առաջ «անվտանգութեան» պատրուակով սկսած ծառահատումները կը շարունակուին։ Զինուորներու  հսկողութեամբ եւ պահապաններու աջակցութեամբ հատուող ծառերը  կը տեղափոխեն այլ շրջաններ:

Շրնաքի փաստաբաններու  պալատը լուրջ պայքար  ծաւալած է եւ հիմա ալ կը շարունակէ պայքարը ծառահատումներուն դէմ։

Փաստաբաններու  պալատը 2022 թուականի Յուլիսին պատրաստած զեկոյցին մէջ նշած է, որ ծառահատման համար իրաւական հիմք չկայ եւ պիտի շարունակէ պայքարը իրաւական դաշտին մէջ։ Այս գործընթացին մէջ որոշ փաստաբաններ նոյնիսկ ծեծի ենթարկուած են, սակայն չեն ընկրկած: 

Զեկոյցէն ետք իրաւաբաններու պալատը Օգոստոս եւ Սեպտեմբեր ամիսներուն դիմած է Մարդու իրաւունքներու պաշտպանի գրասենեակ: 

Շրնաքի փաստաբաններու պալատի յայտարարութիւններուն համաձայն, ծառահատումներու պատճառով ոչնչացուած է տարածաշրջանի կանաչ տարածքին 7 տոկոսը։ Ծառահատումներու պատկերները տեղ գտած են նաեւ Google Earth-ի վրայ, որ կը հաստատէ  պալատի յայտարարութիւններուն իսկութիւնը։

Արեւմտյան Հայաստանը կը գրաւէ միջազգային հանրութեան ուշադրութիւնը: Արեւմտեան Հայաստանի անտառները ոչնչացնելը միջազգային իրաւունքով յանցագործութիւն է, քանի որ այդ անտառները բնիկ հայերու կեանքի աղբիւրն են։ Այս ոչ միայն յարձակում է Արեւմտեան Հայաստանի ինքնիշխանութեան, այլ նաեւ հայութեան կենսական տիրոյթին վրայ։ Թուրքիա իր քաղաքականութեամբ կը փորձէ ոչնչացնել Արեւմտեան Հայաստանի բնապահպանական համակարգը, բան մը, որ  կրնայ յագեցնել լուրջ աղէտի։