Ախալքալաքի շրջանի Ապուլ գիւղը ամէնէն լեռնային եւ հեռաւոր գիւղերէն է, որ կը գտնուի ծովի մակարդակէն 1960մ բարձրութեան վրայ։ Գիւղին մէջ երկար ժամանակէ ի վեր  կազամատակարարման, ճանապարհներու բարեկարգման, ջրամատակարարման եւ շատ այլ խնդիրներ կան։ Ջեռուցման հերթական եղանակը Ապուլ գիւղին մէջ սկսաւ վառարաններով, վառելափայտով ու աթարով։ Առաւել հրատապ, յատկապէս ձմրան գալուստին հետ միասին, գիւղին մէջ կը զգացուի բնական կազի բացակայութիւնը։ Գիւղի դպրոցը վերանորոգուած է 2020 թուականին, սակայն դասասենեակները դեռ ստիպուած են ջեռուցել վառարաններով։ Գիւղը համայնքի ամէնէն խնդրայարոյց գիւղերէն է։ Այստեղ, բացի կազէն, չկայ նաեւ բարեկարգ ճանապարհ, դժուար է գիւղէն քաղաք հասնիլը, կայ նաեւ ջրամատակարարման խնդիր, եւ այս բոլորե երկար տարիներէ ի վեր լուծում չի ստանար։ Ապուլցիները կիը դժգոհին, որ ոչ ոք կը մտածէ իրենց մասին։