«Պատմամշակութային արգելոց թանգարաններու եւ պատմական միջավայրի պահպանութեան ծառայութիւն» ՊՈԱԿ-ի յուշարձաններիու պահպանութեան բաժնի գլխաւոր մասնագէտ Լեւոն Մկրտչեանի եւ  շարք մը գիտնականներու հեղինակած «Արցախի Հանրապետութեան Քաշաթաղի շրջանի ամրոցները» վերնագիրը կրող գիրքը նուիրուած է Արցախի Հանրապետութեան Քաշաթաղ շրջանի ամրոցներուն, պրոնզ-երկաթի դարաշրջանէն մինչեւ ուշ միջնադարու օրինակներուն։ Աշխատանքին մէջ ներառուած է 36 ամրոցի մասին ամփոփ անդրադարձ, ուր ժամանակակից տեխնոլոկիաներու միջոցով ներկայացուած է իւրաքանչիւր ամրոցի տեղակայաման քարտէզը, հանոյթը եւ յատակագիծը։

Գիրքին մէջ ներկայացուած է հայաստանեան ամրոցաշինութիւնը լաւագոյնս ներկայացնող գօտիներէն մէկը՝ ելլելով անկէ, որ Սիւնիքն ու Արցախը գրեթէ միշտ պահած են իրենց տեղական իշխանութիւնը։

Հեղինակին խօսքով աշխատութիւնը նոր շունչ պիտի հաղորդէ Հայաստանի ռազմական եւ բնանկարային հնագիտութեամբ, Սիւնիքի եւ Արցախի պատմութեամբ զբաղողներուն համար, օգտակար կրնան ըլլալ նաեւ ճարտարապետներուն․ Ժամանակակից տեխնոլոկիաներու կիրառումը, պիտի հեշտացնէ ամրոցներու վերակազմութեան խնդիրը։