Կարմիր խաչի միջազգային կոմիտէի ներկայացուցիչները Դեկտեմբերին հերթական այցը կատարած են Պաքուի մէջ պահուող հայ գերիներուն։ Տեղեկութիւնը «Sputnik Արմենիա»ին յայտնած է ԿԽՄԿ պատուիրակութեան հաղորդակցման ծրագիրներու ղեկավար Զառա Ամատունի։

Ան նշած է, որ կրկին հնարաւորութիւն տրուած է բոլորին հեռախօսազանգեր կատարելու։

«Յոյսով ենք, որ յաջորդիւ, առնուազն նոյն պարբերականութեամբ, տեսակցութիւնները պիտի շարունակուին։ Նախօրօք որեւէ բան չենք յայտարարեր»,– նշած է ան։

Յիշեցնենք, որ Պաքու այս պահուն կը հաստատէ 2020թ. 44-օրեայ պատերազմէն ետք 33 անձ գերի պահելու փաստը։ Պաշտօնական Երեւանը, սակայն, կը վստահեցնէ, որ անոնց թիւն աւելի շատ է։ Իրաւապաշտպաններու տուեալներով, ատրպէյճանական գերութեան մէջ կը գտնուի 80 անձ։

Արեւմտեան Հայաստանը կը պահանջէ զաւթիչ Ատրպէյճանէն հայրենիք վերադարձնել հայ զինուորները, որոնք ինքնապաշտպանական մարտեր  մղած են, պաշտպանելու համար հայրենիքը ահաբեկչական խմբաւորումներէն։