Ֆրանսայի մայրաքաղաք Փարիզի Թրոքատերօ հրապարակին մէջ տեղի ունեցաւ ցոյց՝ որպէս  աջակցութիւն Արցախի մէջ շրջափակման մէջ գտնուող արցախահայութեան, որուն 

մասնակցեցաւ նաեւ Արեւմտեան Հայաստանի Հանրապետութեան նախագահ պարոն Արմենակ Աբրահամեան։ 

Ցոյցի ընթացքին ելոյթ ունեցաւ նաեւ պարոն Արմենակ Աբրահամեան։ 

Իր ելոյթին մէջ ան նշեց, որ Շուշիի տեղահանուած հայերը դիմած են իրեն՝ ներկայացնելու Արցախը Հայաստանին կապող միակ ճանապարհի բացման  վերաբերեալ խնդիրը եւ աւելցուց, որ Արցախը 1920 թուականին ճանչցուած Արեւմտեան Հայաստանի Հանրապետութեան մասն է:  Անոնք Արմենակ Աբրահամեանին լիազօրած են դիմում ներկայացնելու Մարդու իրաւունքներու եւրոպական դատարան՝ ընդդէմ Ատրպէյճանի։ Նախագահը աւելցուց, որ Ատրպէյճան ցեղային զտման կ’ենթարկէ արցախահայութիւնը Շահումեան, Մարտակերտ, Շուշի, Քաշաթաղ, Քարվաճառ եւ Հադրութ շրջաններուն մէջ: Այս յանցագործութիւն է բնիկ հայերու նկատմամբ։ 

Նախագահն իր ելոյթը ամփոփեց հետեւեալ խօսքերով․ «Մենք՝  աշխարհով մէկ սփռուած հայերս եւ արցախահայութիւնը, պէտք է համախմբուինք, քանի որ մենք առաքելութիւն ունինք ամրապնդելու մեր անվտանգութիւնը։

Կեցցէ Արցախը, Կեցցէ Արեւմտեան Հայաստանը»:

https://www.facebook.com/LeMouvementArmenienLMA/videos/540197581378774/