Բերձորի ճանապարհի արգելափակումը պատերազմի առաջին արարն է արցախահայութեան դէմ, յայտնած է ֆրանսական հեղինակաւոր «Le Figaro» ամսագիրի փոխտնօրէն Ժան-Քրիստոֆ Պիւսոն «Twitter»ի իր էջին:

«Մինչեւ -10° ջերմաստիճանի պայմաններուն ատրպէյճանցի կեղծ բնապահպանները մեկնած են Պաքու տաքնալու։ Անոնց տեղը զինուորներ են:  Դիմակներն ինկած են. Բերձորի ճանապարհի արգելափակումը իսկապէս պատերազմի առաջին արարն է Արցախի հայութեան դէմ», – գրած է Պիւսոն՝ գրառման կցելով նաեւ լուսանկարներ:

Արցախը Գորիսի Տարածաշրջանին եւ ամբողջ աշխարհին կապող Բերձորի ճանապարհը Դեկտեմբերի 12-էն փակ է իբրեւ «բնապահպանական ցուցարարներ» ներկայացող  խումբ մը ատրպէյճանցիներու կողմէ։ Ատրպէյճան անտեսած է ճանապարհը բանալու աշխարհի տարբեր երկիրներու եւ կազմակերպութիւններու կոչերը։

Արեւմտեան  Հայաստանը խստիւ կը դատապարտէ բռնազաւթիչ Ատրպէյճանի գործողութիւնները, որոնք կ’ուղեկցուին մարդասիրական  նորմերու կոպիտ  խախտումներով։ Եւս մէկ անգամ կոչ կ’ուղղենք Արցախ ապրող մեր բնիկ հայրենակիցներուն ուժեղ մնալ, քանի որ Արցախը կա՛յ եւ պիտի մնայ Հայաստան պետութեան մէկ մասը։