Միացեալ ազգերու կազմակերպութեան գլխաւոր քարտուղար Կութերէշ վերահաստատած է իր կոչը՝  ապահովելու Բերձորի ճանապարհով ազատ ու անվտանգ տեղաշարժը։ Այս լուրը յայտնած է ՄԱԿ-ի գլխաւոր քարտուղարի խօսնակ Ստեֆան Տիւժարիք։

«Գլխաւոր քարտուղարը ներկայ իրավիճակին վերաբերեալ իր մտահոգութիւնները յայտնած է 2022 թուականի Դեկտեմբերի 14-ի իր յայտարարութեան մէջ։ Այս մտահոգութիւնները Քարտուղարութեան կողմէ բարձրաձայնուած են նաեւ 2022 թուականի Դեկտեմբերի 20-ին Հայաստանի հայցով հրաւիրուած Անվտանգութեան խորհուրդի արտակարգ նիստի ընթացքին։ Գլխաւոր քարտուղարը կը վերահաստատէ իր կոչերը՝ չէզոքացնելու լարուածութիւնը եւ ապահովելու միջանցքով ազատ ու անվտանգ տեղաշարժը՝ համաձայն աւելի վաղ ձեռք բերուած համաձայնութիւններուն, ան իր աջակցութիւնը կը յայտնէ միջնորդական ջանքերուն»,- նշած է խօսնակը,  անդրադառնալով Ատրպէյճանի կողմէ Բերձորի ճանապարհի  արդէն չորս շաբաթ փակ մնալու փաստին։ 

Յիշեցնենք, որ արցախցիները այս հարցով դիմած են նաեւ Արեւմտեան Հայաստանի նախագահ Արմենակ Աբրահամեանին, որ կը գործադրէ ամէն ջանք Արցախը՝ Գորիսի տարածաշրջանին կապող ճանապարհը բանալու համար։