Ռեննի արքեպիսկոպոս եւ քրիստոնեաներու միասնութեան եւ յուդայականութեան հետ յարաբերութիւններու յանձնաժողովի նախագահի ժամանակաւոր յանձնակատար Փիեռ տ՚Օրնելլայի առաջարկով Յունուարի 8-ին    Ֆրանսայի կաթողիկէ եկեղեցիներուն մէջ Աստուածայայտնութեան տօնին առթիւ մատուցուած կիրակնօրեայ պատարագներու ժամանակ արցախահայութեան համար իրականացուած է համընդհանուր աղօթք: «Տէր Յիսուս, Խաղաղութեան իշխան, մեր աղաչանքը կը յղենք Քեզ Արցախի հայերուն համար։ Միջազգային հանրութեան լռութեան ներքոյ անոնք զոհ են բռնութիւններու, որոնք պիտի  յանգեցնեն անոնց բնաջնջման։ Բոլորիս մէջ արթնցուր գթասրտութիւն, որ կրնայ օգնել անոնց։ Ատրպէյճանի, Ռուսիոյ եւ Հայաստանի ղեկավարներուն ներշնչէ արդարութեան եւ երկխօսութեան մղում, որպէսզի յարգուին Արցախի բոլոր բնակիչներու արժանապատւութիւնն ու հաւատքը»,- նշուած է աղօթքին մէջ։