Ախալքալաքի Կարտիկամ գիւղին մէջ վերանորոգումէն ետք վերաօծուեցաւ Սուրբ Աստուածածին եկեղեցին։ Գիւղին մէջ այս իրադարձութիւնը մեծ շուքով նշուեցաւ, քանի որ այս օրուան գիւղացիները սպասած էին մէկուկէս տարի՝ իւրաքանչիւրն իր հնարաւորութեան սահմաններուն մէջ իր ներդրումը կատարելով եկեղեցւոյ վերանորոգման գործին։

Եկեղեցւոյ վերանորոգումն ու վերաօծումը Կարտիկամ գիւղի քանի մը բնակիչներու նախաձեռնութիւնը եղած է, որուն միացած են գիւղի բոլոր բնակիչները։

«Իւրաքանչիւր բնակիչ գումար ներդրած է վերանորոգման համար, որքան կրցած է: Մենք մէկուկէս տարի աշխատած ենք այդ նախաձեռնութեան իրագործման համար, իսկ այսօր կը նշենք այս իրադարձութիւնը»,- նշած է պատգամաւոր Կենատի Էլիզպարեան։

Վերաբացումէն եւ վերաօծումէն ետք եկեղեցւոյ բակին մէջ տեղի ունեցաւ համերգ՝ տեղական երկու պարախումբերու եւ Հայաստանէն հրաւիրուած արուեստագէտներու մասնակցութեամբ։  

Ախալքալաք ապրող քրիստոնեայ բնիկ հայերուն համար այս մեծ իրադարձութիւն է, որուն առթիւ Արեւմտեան Հայաստանն իր շնորհաւորանքը կը յղէ։