Թուրքիոյ Սահմանադրական դատարանը հակօրինական ճանչցած է Սամանտաղի շրջանին մէջ հայկական եկեղեցւոյ պատկանող կալուածքները պետութեան փոխանցելու որոշումները։Կ. Պոլսոյ հայկական «Ակօս»ին հետ զրոյցի ընթացքին Կիլիկիոյ հայկական գիւղ Վագըֆլըի  եկեղեցւոյ հոգաբարձուներու խորհուրդի նախագահ Ճեմ Չափար նշած է, թէ իրենք մեծ ուրախութեամբ ընդունած են Սահմանադրական դատարանի որոշումը, քանի որ այն ոչ միայն եկեղեցւոյ պատկանող կալուածքներու վերադարձին մասին է, այլ նաեւ Մուսայ լերան հայկական գիւղերու շարք մը կալուածքներու։ Ան շեշտած է, որ Սահմանադրական դատարանի որոշման հիման վրայ սկսած են 27 կալուածքի վերադարձի համար դատական գործընթաց։