ՄԱԿ Անվտանգութեան խորհուրդին մէջ Յունուարի 12-ին Ճափոնի Արտաքին գորոց նախարարի նախագահութեամբ տեղի ունեցած է քննարկում՝ «Օրէնքի գերակայութեան խթանումը եւ ամրապնդումը միջազգային խաղաղութեան ու անվտանգութեան պահպանման համար» խորագիրով։ Ելոյթներով հանդէս եկած են ՄԱԿ Գլխաւոր քարտուղարը, Արդարադատութեան միջազգային դատարանի նախագահը եւ եօթ տասնեակէ աւելի ՄԱԿ անդամ-երկիրներու ներկայացուցիչներ։

Ինչպես յայտնած են ՀՀ ԱԳՆ-էն, ՄԱԿ-ի մէջ ՀՀ մշտական ներկայացուցիչ Մհեր Մարգարեան ԱԽ անդամներուն եւ ներկաներուն ուշադրութիւնը հրաւիրած է  աւելի քան երեսուն օր շարունակուող Լեռնային Ղարաբաղի  շրջափակման վրայ` շեշտելով, որ, Բերձորի ճանապարհը փակ պահելով, Ատրպէյճան այժմ նպատակ կը հետապնդէ իրականացնել հայերու բռնի տեղահանման քաղաքականութիւն։  Իր ելոյթին մէջ Հայաստանի դեսպանը յիշատակած է հարեւան երկրին կողմէ միջազգային իրաւունքի շարունակական ոտնահարման, պատերազմական յանցագործութիւններու եւ ուժի սպառնալիքի միջոցով տարածքներու ապօրինի զաւթման ուղղուած գործողութիւններու մասին։ Ընդգծուած է Արցախի  բնակչութիւնը ցեղային զտման ենթարկելու Ատրպէյճանի բռնապետական ծրագիրները եւ մարդասիրական աղէտը կանխարգիլելու նպատակով ՄԱԿ-ի կողմէ վճռական գործողութիւններ ձեռնարկելու կարեւորութիւնը։

Արեւմտեան Հայաստանը միջազգային հարթակներու վրայ եւ կազմակերպուող տարբեր  հանդիպումներու ժամանակ կը բարձրաձայնէ այս խնդիրը՝ իրաւական հիմքերով։ Արցախ ապրող հայերը բնիկ են՝ ինչպէս Արեւմտեան Հայաստանի այլ տարածքներու մէջ ապրող հայերը, եւ անոնց իրաւունքները պէտք է պաշտպանել միասնական կերպով։