Հայաստանը կը պահանջէ պարտաւորեցնել ատրպէյճանական կողմին բանալ Բերձորի Ճանապարհը եւ երկկողմանի ուղղութեամբ ապահովել մարդոց, փոխադրամիջոցներու եւ ապրանքի ազատ տեղաշարժը։ 

Յունուարի 30-31-ին ՄԱԿ–ի միջազգային դատարանը (Հաակայի դատարանը) Հայաստանի եւ Ատրպէյճանի միջեւ դատավարութեան ծիրին մէջ լսումներ պիտի իրականացնէ ապահովման միջոցներու վերաբերեալ, նշուած է դատարանի հրապարակած մամլոյ հաղորդագրութեան մէջ։

Աւելի վաղ կողմերը դատարան դիմած էին` պահանջելով դատավարութեան ընթացքին լրացուցիչ ապահովման միջոցներ կիրառել։ Մասնաւորապէս Հայաստանը կը պահանջէ պարտաւորեցնել ատրպէյճանական կողմին բանալ Բերձորի ճանապարհը եւ երկկողմանի ուղղութեամբ ապահովել մարդոցց, փոխադրամիջոցներու եւ ապրանքի ազատ տեղաշարժը։ 

Ցեղային խտրականութեան բոլոր ձեւերու վերացման մասին միջազգային համաձայնագիրին համաձայն` Հայաստանը ՄԱԿ–ի միջազգային դատարանին մէջ 2021 թուականի Սեպտեմբերի 16-ին դատավարութիւն նախաձեռնած է Ատրպէյճանի դէմ։ Դատական հայցին մէջ Ատրպէյճանի հասցէին մեղադրանքներ ներկայացուած են տասնամեակներ շարունակուող եւ 2020 թուականի Սեպտեմբերի հակամարտութեան ընթացքին առաւել շեշտուած ցեղային խտրականութեան վերաբերեալ։

Յիշեցնենք, որ Արեւմտեան Հայաստանը Արցախի Շուշի քաղաքի բնիկ հայերու դիմումներուն հիմքով, ՄԻԵԴ-ին մէջ Ատրպէյճանի դէմ բացած է դատեր, որոնց դատավարութիւնը նախատեսուած է 2023 թուականին: