Հայ համայնքի անդամները 2023 թուականի Յունուարի 12-ին Հասիչէ քաղաքին մէջ կազմակերպած են երթ Արցախի շրջափակման դէմ։ Դատապարտելով Արցախի շրջափակումը,  անոնք հանդէս եկած են «Ո՛չ Արցախի բռնազաւթման, մենք բոլորս Արցախ ենք» կարգախօսով։

Տէր Զորի եւ Քամիշլիի հայկական միութիւններէն բացի, երթին կը մասնակցէին Նահատակ Նուպար Օզանեան գումարտակի մարտիկները եւ Հայ տիկնաց միութեան անդամները։ Երթի ընթացքին ելոյթ ունեցան Քամիշլիի Հայկական միութեան համանախագահ Գոհար Խաչատուրեան, Հասիչէի Հայկական  միութեան համանախագահ Իմաթ Թաթարեան եւ Հասիչէի Հայկական  միութեան համանախագահ Արեւ Քասապեան։

Գոհար Խաչատուրեան իր ելոյթին մէջ նշեց. «Թրքական պետութիւնը կը ցանկայ շարունակել 108 տարի առաջ իրագործած Ցեղասպանութիւնը։ Աշխարհի բոլոր երեխաները Սուրբ Ծնունդը նշեցին գեղեցիկ հագուստով եւ լաւ ուտելիքով, իսկ Արցախի մէջ երեխաները չկրցան այդ մէկը։ Մենք պիտի շարունակենք պայքարիլ Արցախի շրջափակման եւ բռնազաւթման դէմ»։

Հասիչէի Հայկական  միութեան համանախագահ Իմաթ Թաթարեան իր ելոյթին մէջ շեշտեց. «Ատրպէյճանական պետութիւնը կը ցանկայ Թուրքիոյ աջակցութեամբ Արցախի մէջ հայերու հանդէպ ջարդ իրականացնել։ Մենք՝ Հասիչւ ապրող հայերս, չենք ընդունիր Արցախի մէջ տեղի ունեցող ցեղասպանութիւնը, մենք բոլորս Արցախ ենք»։

Հասիչէի Հայկական  միութեան համանախագահ Արեւ Քասաբպեան իր ելոյթին մէջ նշեց․ «Այսօր մենք հաւաքուած ենք, որպէսզի  դատապարտենք Ատրպէյճանի կողմէ Արցախի բռնազաւթումը։ Արցախը շրջափակման մէջ է, միջազգային կազմակերպութիւնները եւ աշխարհի բոլոր երկիրները կը լռեն այս իրավիճակին առջեւ։ Ցեղասպանութեան 108-ամեայ ծրագիրն այսօր կը շարունակուի»։