Ինչպէս իր ֆէյսպուքեան էջին յայտնած է տաղանդաւոր տուտուկահար Էմմաունէլ Յովհաննիսեան,  յետ այսու Լոս Անճելըսի Գալիֆորնիոյ Համալսարանի հայկական բաժնին մէջ  (UCLA ) պիտի գործէ հայկական տուտուկի դասարանը:

Անուանի տուտուկահարը կը գրէ. «Կը կարծեմ, որ այս մեծ ձեռքբերում է ոչ միայն ամէնէն հայկական նուագարանին՝ տուտուկին համար, այլ նաեւ կարեւոր ձեռքբերում է բոլորիս համար: Կ’ուզեմ շնորհակալութիւնս յայտնել բոլոր այն մարդոց, որոնք աջակցեցան ու բոլոր անոնց, որոնք իրականութիւն դարձուցին հայկական մշակոյթի տարածման հնարաւորութեան այս կարեւոր իրադարձութիւնը: Կը կարծեմ, որ իմ յետագայ քայլերս պիտի նպաստեն Հայու մշակոյթի եւս մէկ անգամ ըստ արժանւոյն ներկայացման աշխարհի կարեւորագոյն համալսարանաններէն մէկուն մէջ»: