Գանատայի Արտաքին գործոց կոմիտէի պահպանողականները կ’աշխատին այլ ընդդիմադիր կուսակցութիւններու հետ Արցախի մէջ Բերձորի ճանապարհի շրջափակման հարցով հրատապ լսումներ հրաւիրելու ուղղութեամբ, թուիթըրեան իր էջին գրառում կատարած է Գանատայի Համայնքներու պալատի անդամ Կարնէթ Ճենուիս։

«Մեր յանձնաժողովը պէտք է հաւաքուի այս շաբաթ։ Ատրպէյճան պէտք է դադրեցնէ շրջափակումը»,- գրած է ան։

Արեւմտեան Հայաստանը կ’ողջունէ նմանատիպ քայլերը, որոնք կը միտին Գորիս-Ստեփանակերտ ճանապարհի ապաշրջափակման ու մարդոց տեղաշարժի հնարաւորութեան ստեղծման: Ատրպէյճան միտումնաւոր կերպով կազմակերպած է այս իբրեւ բնապահպանական ցոյցեր, նպատակ ունենալով կրկին զիջումներ կորզել, որոնք կրնան ըլլալ նաեւ տարածքային: