Վանի Արճէշ գաւառին մէջ յայտնաբերուած է ​​3 սենեակէ բաղկացած ուրարտական շրջանի ժայռափոր դամբարան։ Դամբարանի վերին հատուածը ծառայած է որպէս զոհարան։ Այս ենթադրութիւնը կը հիմնաւորուի դամբարանին մէջ ջրատար ուղիներու առկայութեամբ, որոնց միջոցով զոհաբերուող հեղուկը (գինի, ջուր կամ մեղր) հոսած է դամբարանին ներսը։ Այս արտասովոր կառույցը կը տարբերի անցեալին յայտնաբերուած ուրարտական ​​այլ ​​շինութիւններէն։

Արշաւախումբի ղեկավար փրոֆ. դոկտ. Ռաֆէթ Չաւուշօղլու նշած է հետեւեալը․ «Ուրարտական ​​ժամանակաշրջանին բնորոշ դասական դրոմոսով (դամբարաններու մուտքերու անուանումը) դամբարանը  կազմուած է 3 խորշէ, ուր դրուած են մահացածներուն նուիրաբերուած ընծաները։ Դամբարանը կ’արտացոլէ ուրարտացիներու առանձնայատկութիւնները։ Կարելի է ըսել, որ այն ծառայած է երկար ժամանակ։ Մուտքի մէկ մասը քանդուած է գանձախոյզներու կողմէ, սակայն այլ հետքերէն պարզ կը դառնայ, որ դամբարանը բացուած է շատ աւելի վաղ ժամանակներու։ Մենք առաջին անգամ  կը հանդիպինք նմանատիպ դամբարանի։ Յատկանշական է, որ դամբարանը բաղկացած է 3 սենեակէ»։