Կ. Պոլսոյ Պալաթ թաղամասին մէջ քայքայման մատնուած 207-ամեայ Խորէնեան հայկական նախակրթարանի վիճակն օրէ օր կը վատթարանայ։

Բնիկ հայերու ունեցուածքը հարիւրաւոր տարիներէ ի վեր կը շարունակէ բռնազաւթուիլ, մինչդեւ անոնցմէ հարիւրաւորները վերածուած են գոմերու կամ ոչնչացուած են: Քանի որ հայկական գոյքի մեծ մասը որակուած է որպէս «պատմական շինութիւն», որեւէ վերականգնում չիրականացուելով՝ կա՛մ ոչնչացած է, կա՛մ  կը գտնուի ոչնչացման եզրին։ Այս հայկական կառոյցներէն է Պալաթի Խորէնեան հայկական նախակրթարանը։ Նախակրթարանի սեփականութեան վկայականը կը պատկանի Սուրբ Հրեշտակապետ հայկական եկեղեցւոյ հիմնադրամին։ Ուստի նախակրթարանի շէնքը պաշտօնապէս չի կրնար առգրաւուիլ։ Այնուհանդերձ,  բացի իր բուն գործառոյթէն, այն հարկադրաբար այլ նպատակներով օգտագործուած է:

Խորէնեան հայկական նախակրթարանը կառուցուած է 1816թ․։ Մինչեւ 1925թ․ որպէս դպրոց օգտագործուած շէնքը կասկածելի պայմաններու մէջ բռնկած հրդեհէն ետք անպիտան դառնալով՝ այլեւս չ’օգտագործուիր որպէս դպրոց։

Արեւմտեան Հայաստանը կոչ կ’ուղղէ բնիկ հայերուն, վերագործարկել դպրոցները, պահապանել մեր չքնաղ լեզուն՝ արեւմտահայերէնը եւ հայկական միտքը տարածել Արեւմտեան Հայաստանի ողջ տարածքին: