Ցեղասպանութեան կանխարգելման Լեմկինի հիմնարկը թուիթըրեան գրառմամբ կրկին անդրադարձած է Բերձորի ճանապարհի  փակման։

«Ցեղասպանութեան կանխարգելման Լեմկինի հիմնարկը կոչ կ’ուղղէ աշխարհի մէջ իշխանութիւն ունեցողներուն, յատկապէս՝ նախագահ Ճօ Պայտընին, Պունտըսկանցլըր Օլաֆ Շոլցին եւ նախագահ Էմմանուէլ Մաքրոնին, լուրջ վերաբերիլ Արցախի մէջ հայերու դէմ Ցեղասպանութեան սպառնալիքին։ Աշխարհը չի կրնար թոյլ տալ Հայերու եւս մէկ Ցեղասպանութիւն»,- նշուած է գրառման մէջ։

20րդ դարու սկիզբը նոյն վտանգաւոր լռութեան պայմաններուն մէջ Արեւմտեան Հայաստանի տարածքին տեղի ունեցան հայերու զանգուածային ջարդերն ու կոտորածը։ Յետագային միայն «դիտորդ» երկիրները որպէս սփոփանք ճանչցան Հայերու դէմ իրագործուած Ցեղասպանութիւնը, սակայն ոչինչ աւելի։ Ժամանակի ընթացքին փորձ կը կատարուէր  փաթեթէն դուրս մղել հատուցման գործօնը, սակայն Արեւմտեան Հայաստանի ղեկավարութիւնը կը շարունակէ աշխատանքները իրաւական ոլորտին մէջ եւ կը պաշտպանէ ընդհանուր Հայաստանի շահերը։ Այժմ գրեթէ նոյնը կը կրկնուի Արցախի մէջ, որ պէտք չէ թոյլ տալ։

Leave a Reply