16 տարի առաջ 2007 թուականի Յունուարի 19-ին Կ. Պոլսոյ մէջ սպաննուեցաւ Արեւմտեան Հայաստանի զաւակ, պոլսահայ մտաւորական, «Ակօս» շաբաթաթերթի հիմնադիր եւ գլխաւոր խմբագիր Հրանդ Տինք։ Ան սպաննուեցաւ օր ցերեկով՝ «Ակօս» թերթի խմբագրութեան մուտքին մօտ՝ թուրք ազգայնական Օկիւն Սամասթի արձակած կրակոցէն։ 

Ողջ մարդկութիւնը եւս մէկ անգամ ականատես եղաւ թուրք ազգայնամոլ գաղափարի հայատեացութեան ու անոր հետեւանքին։ Ի հարկէ, առաջաւոր մտաւորականութիւնն ու ժողովրդավար հասարակութիւնն իր բողոքի ձայնը բարձրացուց կատարուած ոճրագործութեան դէմ՝ ցոյց տալով իր համերաշխութիւնն ու աջակցութիւնը հայ ազգին, այնուամենայնիւ պետական մակարդակով համարժէք պատասխան չտրուեցաւ մարդասպանին  ու կատարուած ոճիրին։ Միանշանակ հասկնալի է, որ յանցագործը միայնակ չէր կազմակերպած այդ յանցանքը, աւելին՝ հովանաւորուած եւ ուղղորդուած էր  պետութեան կողմէ։  Այսուհանդերձ, Թուրքիա, բացայայտ կերպով ապացուցելով իր ցեղասպան եւ հակահայ քաղաքականութիւնը, եւս մէկ անգամ առերեսուեցաւ աշխարհի նախատինքին ու պարսաւանքին հետ։ Արեւմտեան Հայաստանը, դատապարտելով այս հրեշաւոր սպանութիւնն ու անոր կազմակերպիչները, կը յիշէ եւ բարձր կը պահէ Հրանդ Տինքի վառ յիշատակը։Յունուարի 19-ը պատահական չէր ընտրուած, քանի որ 1920 թուականի նոյն  օրը Հայաստանի Հանրապետութեան միջազգային ճանաչման օրն է, իսկ Հրանդ Տինք արդարադատ գործիչ Արեւմտեան Հայաստանի համար իր գործունէութեամբ կը պայքարէր Արեւմտեան Հայաստան ապրող հայերու իրաւունքներուն համար։