ԱՄՆ Քոնկրէսի հայկական հարցերով յանձնախմբի համանախագահները նախագահ  Պայտընի գրասենեակի տնօրինութեան կոչ ուղղած են առաւելագոյն ճնշում գործադրել Ատրպէյճանի նախագահ Ալիեւի վրայ, որպէսզի վերջ դրուի Արցախի շրջափակման, քանի տակաւին ներկայ ճգնաժամն այնտեղ աղետալի չէ դարձած:

Ինչպէս նշած են քոնկրէսականները, հարկաւոր է, որ Պայտընի գրասենեակի տնօրինութիւնը առաւելագոյն ճնշում գործադրէ՝ դադրեցնէ Ատրպէյճանին որեւէ  տեսակի ռազմական աջակցութիւն տրմադրելը, ատրպէյճանական ղեկավարութեան դէմ պատժամիջոցներ կիրառէ շարունակուող ռազմական յանցագործութիւններուն համար, օդային ճանապարհով անյապաղ մարդասիրական օգնութիւն հասցնէ Արցախի ժողովուրդին:

ԱՄՆ Արտաքին գործոց նախարար Էնթընի Պլինքընին եւ ԱՄՆ Միջազգային զարգացման գործակալութեան կառավարիչ Սամանթա Փաուըրին հասցէագրուած նամակին մէջ ԱՄՆ Քոնկրէսի հայկական հարցերով յանձնախումբի համանախագահները գրած են. «Բերձորի ճանապարհը բանալու ներկայ միջազգային ռազմավարութիւնը պարզապէս չ’աշխատիր: Ալիեւի վարչակարգը միտումնաւոր քայլեր կը ձեռնարկէ Արցախէն հայ բնակչութիւնը հեռացնելու եւ զանոնք իրենց նախնիններու հողի վրայ ազատ ապրելու հնարաւորութենէն զրկելու համար: Այս ցեղային զտման ակնյայտ նշան է, որ պէտք չէ անտեսուի»: 

Արեւմտեան Հայաստանը ի լուր աշխարհին կը յայտնէ, որ բռնազաւթիչ Ատրպէյճան կը ցանկայ Արցախի մէջ իրականացնել ցեղային զտումներ, նպատակ ունենալով բնիկ հայերը դուրս մղել հայկական տարածքներէն։ Այս տակաւին կը սկսի Արցախէն, սակայն ատրպէյճանական բռնապետի յայտարարութիոնները կ’ըսեն աւելին, անոր հաւակնութիւններն այժմ կը տարածուին Արեւելեան Հայաստանի տարածքներուն վրայ։ Պէտք է հրատապ պատժամիջոցներ կիրառել, հերթական ցեղասպանութենէն խուսափելու համար։

Leave a Reply