«2023 թուականի Յունուարի 19-ին, ժամը 01:30-ի կողմերը, Գեղարքունիք մարզի Ազատ գիւղին մէջ՝ ՀՀ ՊՆ N զօրամասի շէնքին մէջ հրդեհ բռնկած է: Հրդեհին հետեւանքով անձնակազմէն 15 պարտադիր ժամկէտային զինուորական ծառայող մահացած է: Նոյն զօրամասի վեց պարտադիր ժամկէտային ծառայողներ եւ մէկ սպայ մարմնական վնասուածքներով, ժամը 02:00-ի կողմերը, տեղափոխուած են Գեղարքունիքի կայազօրային դարմանատուն: Դէպքի վայրին մէջ կատարուած են հնարաւոր անհրաժեշտ գործողութիւնները, միջոցներ ձեռնարկուած են դէպքի հանգամանքներն ամբողջութեամբ պարզելու համար, նշուած է Դատախազութեան յայտարարութեան մէջ:Արեւմտեան Հայաստանը կը ցաւակցի եւ զօրակցութիւն կը յայտնէ զոհուածներու ընտանիքներուն, եւ կը յիշեցնէ, որ անհրաժեշտ պիտի ըլլայ պատժել այս պատահական յանցագործութեան բոլոր մեղաւորները՝ նուիրապետութեան բոլոր մակարդակներու վրայ։

Leave a Reply