Սեւ ծովու ափին գտնուող Վառնա քաղաքին մէջ պիտի հիմնադրուի բուլղարահայ մշակութային տեղեկատուական կեդրոն։ Որոշումն ընդունուած է հայկական ամենամեայ Սուրբ Ծննդեան բարեգործական միջոցառման ժամանակ, հաղորդած է բուլղարական «BTA» գործակալութիւնը։

Նոր կեդրոնի առաջին միջոցառումը պիտի ըլլայ Քրիստինա Ազնաւուրի համերգը՝ Ապրիլի 30-ին։ Քննարկուած է նաեւ 1977-1983թթ. Վառնայի բժշկական համալսարանի տնօրէն եւ նախագահ, դոկտոր փրոֆեսոր Կարապետ Կապրէլեանի անուամբ փողոց անուանակոչելու եւ անոր խորաքանդակը տեղադրելու նախաձեռնութիւնը: Կապրէլեան եղած է վիրուսաբանութեան ամպիոնի եւ քաղաքի քանի մը հիւանդանոցներու հիմնադիրը։ Ներկայիս անոր որդին «Բարեգործական» համահայկական միութեան խորհուրդի փոխնախագահն է։