Գերմանիոյ Պունտըսթակը ընդունած է եզիտիներու դէմ իրագործուած ցեղասպանութիւնը ճանչցող օրինագիծը։

Եզիտիներու դէմ «Իսլամական Պետութիւն» ահաբեկչական խմբաւորման իրականացուցած ջարդերը  որպէս ցեղասպանութիւն ճանչնալու համար Պունտըսթակի մէջ արտահերթ նիստ տեղի ունեցած է Սոցիալ-դեմոկրատական, Կանաչներու եւ Ազատ դեմոկրատական ու գլխաւոր ընդդիմադիր կուսակցութիւն համարուող Քրիստոնէական միութիւն կուսակցութիւններուն համատեղ պատրաստած բանաձեւի ծիրին մէջ։

Դաշնային ժողովի փոխնախագահ Քաթրին Կէորինկ-Էքարտթ, որ կը նախագահէր նիստը, ողջունեց նիստին ներկայ գտնուող եզիտիները, այդ թուին՝ անոնց կրօնական առաջնորդները։ 

Աւելի ուշ Պունտըսթակի մէջ տեղ զբաղեցնող կուսակցութիւններու ներկայացուցիչները ելոյթ ունեցան եւ իրենց աջակցութիւնը յայտնեցին օրինագիծին, ինչպէս նաեւ կարծիք յայտնեցին, որ «Խորհրդարանը նոյնիսկ ուշացած է նման որոշում կայացնելու հարցին մէջ»։ Ձախ կուսակցութիւն խմբակցութիւնը ցանկութիւն յայտնեց, որ թրքական պետութեան յարձակումները Շենկալի վրայ դադրեցուին։

Ձախ կուսակցութեան անդամ Տաղտելըն այսպէս ըսաւ. «Եթէ կը ցանկաք պաշտպանել Շենկալը եւ եզիտիները, պէտք է անյապաղ դադրեցնէք թրքական պետութեան յարձակումները, որոնք կը հակասեն միջազգային իրաւունքին»։

Կուսակցութեան ներկայացուցիչներու ելոյթներէն ետք օրինագիծը ներկայացուեցաւ քուէարկութեան։ Օրինագիծը ընդունուեցաւ միաձայն։

Արեւմտեան Հայաստանը կը շնորհաւորէ մեր բարեկամ ազգը՝ եզիտի ժողովուրդը պատմական անարդարութեան վերականգնման համար տարուող պայքարին մէջ յաղթանակելու առթիւ։ Յիշելով որ  20-րդ դարուն Արեւմտեան Հայստանի մէջ հայերու  դէմ իրագործուած առաջին ցեղասպանութեան զոհ գացին նաեւ հազարաւոր եզիտիներ։

https://www.bundestag.de