44-օրեայ պատերազմին հետեւանքով Ատրպէյճանի վերահսկողութեան տակ անցած տարածքներ քաղաքացիներու մուտքը եւ ելքը կանոնակարգուած է ատրպէյճանական օրէնսդրութեամբ, հետեւաբար Արցախը Հայաստանին կապող միակ ճանապարհն ապօրինի արգելափակած «ցուցարարներ»ու տեղաշարժը չէր կրնար տեղի ունենալ առանց ատրպէյճանական իշխանութիւններու արտօնութեան։ Այս մէկը կը  վկայեն Իրաւունքի եւ արդարութեան կեդրոն «Թաթոյեան» հիմնադրամի ուսումնասիրութիւնները, որոնք հիմնուած են Ատրպէյճանի նախագահին 2020թ․ Հոկտեմբերի 29-ին ստորագրած հրամանագիրին վրայ։

Յատկանշական է, որ համաձայն ատրպէյճանական օրէնսդրութեան, Ատրպէյճանի վերահսկողութեան ներքոյ գտնուող Արցախեան տարածքներ մուտքի արտօնութիւն կու տայ Ներքին գործոց նախարարութիւնը՝ քաղաքացիին գրաւոր կամ ելեկտրոնային դիմումին հիման վրայ: Այլ խօսքով, ոչ պաշտօնեան կամ ոչ հանրային գործիչ  քաղաքացին իր հայեցողութեամբ չի կրնար ազատ մուտք գործել կամ հանգիստ տեղաշարժիլ նշուած տարածքներով:

Այս եւս մէկ անգամ կը հիմնաւորէ, որ Արցախը Հայաստանին եւ աշխարհին հետ կապող միակ ճանապարհը 2022թ. Դեկտեմբերի 12-էն ապօրինի փակած, իրենք զիրենք «բնապահպան-ցուցարար» հռչակած, բայց իրականութեան մէջ Ատրպէյճանի կառավարութեան գործակալները ատրպէյճանական իշխանութիւններուն ցեղային զտումներու քաղաքականութեան գործիքն են (Տե՛ս նաեւ այս փաստերը՝ https://tatoyanfoundation.org/ovkher-en-irakanum-arcax

Արման Թաթոյեան