Հայկական բարեգործական ընդհանուր միութիւնը եւ «Creative Armenia»ն կը մեկնարկեն Արցախի վերաբերեալ իրազեկման եւ կրթական քարոզարշաւ` պայմանաւորուած Արցախի մէջ շարունակուող մարդասիրական ճգնաժամով:

Արցախի մէջ ահագնացող մարդասիրական ճգնաժամով պայմանաւորուած, որ Ատրպէյճանի կողմէ Բերձորի միջանցքի շրջափակման հետեւանքով հանրապետութեան մէջ ապրող 120 000 հայեր կանգնեցուցած է սնունդի, առողջապահական եւ մարդասիրական օրէ օր խորացող ճգնաժամի առջեւ, «Անտեսված Հանրապետութիւն» ֆիլմի արտադրողները որոշում կայացուցած են ֆիլմը թուային տարբերակով հասանելի դարձնել աշխարհի բոլոր անկիւններուն: 

Ֆիլմի թողարկման զուգահեռ Հայկական բարեգործական ընդհանուր միութիւնը (ՀԲԸՄ) եւ «Creative Armenia»ն կը մեկնարկեն իրազեկման եւ կրթական քարոզարշաւ: Կառավարական հաստատութիւններու, մարդու իրաւունքներու պաշտպանութեան գործին մէջ ներգրաւուած կազմակերպութիւններու եւ կրթական հաստատութիւններու ներկայացուցիչներուն համար ցուցադրութիւններ կը կազմակերպուին Լոնտոնի, Մատրիտի, Պերլինի, Զիւրիխի եւ այլ քաղաքներու մէջ: Ֆիլմի տեսարանները կրնաք դիտել այստեղ։ 

https://watch.eventive.org/invisiblerepublic/play/63c12aacbd4f4300459fe4cf/63c126ec629438005c965896

Թուային դիտողներու համար կը կազմակերպուին առցանց միջոցառումներ։ Միացէ՛ք ZOOM-ի ուղիղ եթերին տեղի ունեցող քննարկման Յունուարի 24-ին, Արցախի ժամանակով 23:00-ին (11:00՝ Լոս Անճելըս, 14:00՝ Նիւ Եորք, 20:00՝ Փարիզ)։ Կը խնդրենք գրանցուիլ այստեղ։

https://zoom.us/webinar/register/WN_xGlxkno0Q2-uPAIos8Q_bg