Հայերու դէմ իրագործուած Ցեղասպանութեան արդիւնքով հայութեան զգալի մասը հայրենալքուեցաւ՝ հաստատուելով տարբեր երկիրներ:

1970-ականներուն՝ հայերու դէմ իրագործուած  Ցեղասպանութենէն աւելի քան կէս դար անց, տարագիր հայութիւնը  ծանր իրավիճակի մէջ էր, իսկ 1975 թուականին ձեւաւորուեցաւ «ԱՍԱԼԱ»ն՝ Հայաստանի ազատագրութեան հայ գաղտնի բանակը, որ  ռազմաքաղաքական ընդայատակեայ կազմակերպութիւն էր։ 

Ամէն տարի Յունուարի 20-ին բազմաթիւ հայեր կ’այցելեն Եռաբլուր, իրենց յարգանքի տուրքը մատուցելու  «ԱՍԱԼԱ»ի  նահատակներուն: Այս տարի եւս Արեւմտեան Հայաստանի պատուիրակութիւնը այցելեց եռաբլուր  եւ ծաղիկներ խոնարհեց յուշաքարին մօտ: Հերոս նահատակներու սխրանքները եղած են յանուն հայրենիքի՝ Արեւմտեան Հայաստանի ազատագրութեան եւ խնդիրի բարձրաձայնման համար:

«ԱՍԱԼԱ»ի («ՀԱՀԳԲ»ի) նպատակն է զինուած գործողութիւններով համաշխարհային հասարակութեան ուշադրութիւնը հրաւիրել Հայկական հարցին վրայ, թրքական պետութեան ստիպել ճանչնալու Ցեղասպանութիւնը եւ բռնագրաւուած Արեւմտեան Հայաստանը վերադարձնել անոր իսկական տիրոջ` հայ ժողովուրդին։ «ԱՍԱԼԱ»ի ռազմական գործողութիւնները գլխաւորապէս ուղղուած էին թրքական դիւանագէտներուն, պետական պաշտօնեաներուն, դեսպանատուներուն, հիւպատոսարաններուն, թրքական օդանաւի ընկերութեան գրասենեակներուն, ինչպէս նաեւ օտարերկրեայ այն բոլոր հաստատութիւններուն դէմ, որոնք դրամական կամ ռազմական օժանդակութիւն կը ցուցաբերեն թրքական պետութեան։ «ԱՍԱԼԱ»ի բարձրամակարդակ գործողութիւնները կեանքի կոչուեցան 1970-ականներէն մինչեւ 1990-ականներու սկիզբը: Ընդհանուր առմամբ «ԱՍԱԼԱ» հսկայական նշանակութիւն ունեցաւ Հայերու Ցեղասպանութեան ճանաչման գործին մէջ, իսկ յետագային անոր մարտիկներն իրենց ներդրումն ունեցան նաեւ Արցախի ազատագրման գործին մէջ:

Leave a Reply