Ալիեւի ղեկավարութեամբ ատրպէյճանցիները կը ցանկան ցեղասպանել հայ ժողովուրդը, անոնց հաւատքը, ինքնութիւնը: Այս յայտարարութեամբ հանդէս եկած է ֆրանսական հեղինակաւոր «Le Figaro» ամսագիրի փոխտնօրէն Ժան-Քրիստոֆ Պիւսըն «Twitter»ի իր էջին: «Ատրպէյճանցիները ո՛չ ողջերը կը յարգեն, ո՛չ մահացածները՝ երէկ Նախիջեւանի մէջ, այսօր Արցախի, վաղը Հայաստան: Ալիեւի ղեկավարութեան ներքոյ անոնք միայն մէկ նպատակ ունին՝  ցեղասպանել հայ ժողովուրդը, անոնց հաւատքը, անոնց պատմութիւնը, անոնց ժառանգութիւնը, անոնց ինքնութիւնը: Ո՞վ պիտի կանգնեցնէ զիրենք», – գրած է Պիւսըն:

«Le Figaro»ի փոխտնօրէնն իր գրառման կից ներկայացուած է տեսանիւթ մը, ուր ատրպէյճանցի զինուորականը կը կոտրէ հայկական յուշաքարի վրայի խաչը: