Թիֆլիսի Պետրոս Ադամեանի անուան պետական հայկական թատրոնը նորակառոյց շէնքին մէջ իր հանդիսատէսը պիտի ընդունի՝ կա՛մ Մայիսին, կա՛մ Սեպտեմբերին:

Թատրոնի գեղարուեստական ​​ղեկավար Արմէն Բայանդուրեան «JNEWS»ին հետ զրոյցի ժամանակ յայտնած է. «Մենք մտած ենք շէնք, աշխատանքներն արդէն ընթացքի մէջ են: Ներքին յարդարման աշխատանքներ կը տարուին: Դերասանական կազմը փորձեր կը կատարէ, այսինքն՝ թատերախումբը վերադարձած է տուն, կը պատրաստուինք բացման, եթէ Մայիսին չհասցնենք, ուրեմն Սեպտեմբերին տեղի պիտի ունենայ: Ի հարկէ, ներկայացումներ տեղի կ’ունենան, օրինակ՝ Նոր տարուան ներկայացումներ խաղացած ենք Քուեմօ Քարթլիի մէջ, կը պատրաստուինք մանկական ներկայացումով Ախալցիխէի հանդիսատեսին ներկայանալ: Հայաստան այցելած ենք, իսկ Մարտին կը պատրաստուինք Հնդկաստանի մէջ թատերական փառատօնին մասնակցիլ»:

Նշենք, որ Պետրոս Ադամեանի անուան պետական հայկական թատրոնը 167 տարեկան է։ Այն հիմնադրուած է 1856-ին։ Հաւլապարի մէջ գտնուող ներկայիս շէնքին մէջ թատրոնը սկսած է գործել 1936-էն: 1921 թուականի Մայիսի 1-ին թատերախումբը ստացած է պետական թատրոնի կարգավիճակ:

Leave a Reply