Արեւմտեան Հայաստանի Խարբերդ նահանգի Հուլվանք գիւղին մէջ գտնուող հինաւուրց Սուրբ Գէորգ հայկական վանքը, որ  ենթադրաբար  կառուցուած է 6-րդ դարուն, կը գտնուի լքուած վիճակի մէջ եւ փլուզման վտանգի տակ է:

Վանքի տարածքին Խարբերդի քաղաքապետարանին կողմէ փակցուած ցուցատախտակներուն գրուած է. «Այս տարածքը կը պահպանուի Խարբերդի քաղաքապետարանին կողմէ՝ համաձայն «Մշակութային եւ բնական արժէքներու պահպանման մասին թիւ 2863 օրէնքին»:

Սակայն, միակ բանը, որ կատարած է Խարբերդի քաղաքապետարանը, վանքը մետաղական լարերով շրջափակելն ու տարիներով անմխիթար վիճակի մատնելն է։

Արեւմտեան Հայաստանի պատուիրակութիւնը, երբ առաքելութեամբ կը գտնուէր Արեւմտեան Հայստան, նմանատիպ բազմաթիւ դէպքեր արձանագրած է։ Եկեղեցիները եւ վանքերը կա՛մ չեն պահպանուիր կա՛մ կ’ենթարկուին գանձագողերու յարձակումներու։ Մեր մշակության ժառանգութիւնը այժմ լուրջ վտանգի տակ է։ Այսքանէն ետք մէկ հարց  կ’առաջանայ․ Մինչեւ օրս մեր մշակոյթը ոչնչացնելով ինչի՞ հասած է Թուրքիա եւ ո՞րն է անոր գերնպատակը։

Leave a Reply