Յունուարի 23-ին շուրջ մէկ տարուան նախապատրաստական աշխատանքէ ետք Միջազգային իրաւական հարցերով ներկայացուցիչ Եղիշէ Կիրակոսեան Հայաստանի Հանրապետութեան անունով Արդարադատութեան միջազգային դատարան ներկայացուցած է Հայաստանի ամբողջական գանգատն ու պահանջներն ընդդէմ Ատրպէյճանի՝ Ցեղային խտրականութեան բոլոր ձեւերու վերացման մասին միջազգային համաձայնագիրի ծիրին մէջ:

Այդ պահանջներն ընդհանուր առմամբ կը վերաբերին Ատրպէյճանի կողմէ տասնամեակներ շարունակ բնիկ հայերու եւ հայկականութեան նկատմամբ տարուող ատելութեան եւ խտրական վերաբերմունքի հետեւանքով առաջացած խախտումներու արձանագրման եւ պատճառուած վնասի հատուցման:

Աւելի վաղ՝ 2021 թուականի Սեպտեմբերի 16-ին Հայաստան ներկայացուցած էր գանգատ ընդդէմ Ատրպէյճանի՝ Ցեղային խտրականութեան բոլոր ձեւերու վերացման մասին միջազգային համաձայնագիրի խախտման հիմքով: Դատարանը սահմանած էր ժամկէտ ամբողջական գանգատի եւ ապացոյցներու ներկայացման համար մինչեւ 2023 թուականի Յունուարի 23-ը:

Արեւմտեան Հայաստանը բազմիցս նշած է, որ այս հարցով  լուրջ յաջողութիւններու կարելի է հասնիլ նմանատիպ քայլերով, քանի որ անոնք առաւել հրատապ կը դարցնեն խնդիրի լուծումը։ Արեւմտեան Հայաստանը՝ Շուշի քաղաքի տեղահանուած բնակչութեան մանդատով դիմած է ՄԻԵԴ, Ատրպէյճանը պատասխանատւութեան ենթարկելու համար։

Leave a Reply