ՄԱԿ-ի արդարադատութեան միջազգային դատարանին մէջ Ատրպէյճանի ներկայացուցած միջանկեալ միջոցներու հայցը ո՛չ անկեղծ, ո՛չ իրական պահանջ  է, ՄԱԿ-ի արդարադատութեան միջազգային դատարանին մէջ Հայաստանի դէմ Ատրպէյճանի ներկայացուցած հայցի քննարկման ժամանակ իր ամփոփիչ ելոյթին մէջ նշած է Միջազգային իրաւական հարցերով Հայաստանի ներկայացուցիչ Եղիշէ Կիրակոսեան` աւելցնելով, որ Հայաստան կը խնդրէ դատարանին մերժել Ատրպէյճանի ներկայացուցած հայցը:

«Ինչպէս ի ցույց դրին իրաւախորհրդատուները, Ատրպէյճանի միջանկեալ միջոցներու հայցը ո՛չ անկեղծ, ո՛չ իրական պահանջ է: Այն նախատեսուած է կեղծ հաւասարութեան տպաւորութիւն ստեղծելու համար: Ելլելով բանաւոր ելոյթներէն` Հայաստան, դատարանին կը խնդրէ ամբողջապէս մերժել Ատրպէյճանի կողմէ միջանկեալ միջոցներու հայցը»,- նշած է Կիրակոսեան:  

Եզրափակելով, Կիրակոսեան շնորհակալութիւն յայտնած է ՄԱԿ-ի արդադարտութեան միջազգային դատարանին մէջ ՀՀ ամբողջ պատուիրակութեան ընդունելութեան համար:

Բռնազաւթիչ Ատրպէյճան հերթական ցաւոտ հարուածը կը ստանայ իրաւական տեսանկիւնէ, որ ինքնին զսպող մեխանիզմ կը հանդիսանայ: