Կ. Պոլսոյ «Սուրբ Փրկիչ» հիւանդանոցը հիմնադրուած է 1832 թուականին Կազազ Արթին ամիրա Պէզճեանի նախաձեռնութեամբ եւ նիւթական աջակցութեամբ ու բացուած է 1834 թուականի Մայիսի 31-ին՝ Ստեփանոս Բ. պատրիարքի ձեռամբ։ Հիւանդանոցը հայ համայնքի մարդասիրական օգնութեան ամէնէն մեծ հաստատութիւնն է։   

Արեւմտեան Հայաստանի պատգամաւոր Միհրան Փրկիչ կը յայտնէ․ «2023 թուականի Յունուարի 25-ին ունեցած եմ ստամոքսի արիւնահոսութիւն, որուն պատճառով  Յունուարի 30-ին գացի  «Սուրբ Փրկիչ» հիւանդանոց: Հակառակ անոր, որ նախօրօք հերթագրուած էի, ինծի ըսին, որ բուժման վճարը շատ բարձր է, եւ իրենք չեն կրնար զիս բուժել։ Այնտեղ ինծի  առաջարկեցին դիմել պետական ​​հիւանդանոց։ Կը կարծեմ, որ այս մօտեցումը ճիշդ չէ։ Կը կարծեմ, որ  այս մտածելակերպը պէտք է քննարկման ենթարկուի։ Ես կ’ուզեմ, որ դուք իմանաք, թէ ովքեր կը ղեկավարեն մեր հիւանդանոցը: Այսօրուընէ մեր գործը պիտի ըլլայ հիւանդանոցի ղեկավարութեան թոյլ տուած սխալներու բացայայտումը»։