Սպանիոյ ամէնէն հեղինակաւոր վաւերագրական ֆիլմերու փառատօնին՝ «MiradasDoc»ին «Օրորայի լուսաբացը» վաւերագրական ֆիլմը արժանացած է «Լաւագոյն միջազգային ֆիլմ» մրցանակին։

Ժիւրին յայտարարելով ընտրութիւնը՝ «Օրորայի լուսաբացը» նկարագրած է որպէս «արխիւներու, շարժապատկերի եւ գեղարուեստական գրականութեան միջոցով պատմուած համոզիչ  պատմութիւն մը՝ քիչ յայտնի Ցեղասպանութեան մասին, որ լոյս կը սփռէ եւ կ’իրազեկէ այսօրուան քաղաքական լարուածութեան եւ մարտահրաւէրներուն մասին»։

Արեւմտեան Հայաստանը ջերմօրէն կը շնորհաւորէ  եւ ֆիլմի ստեղծագործական կազմին կը մաղթէ նորանոր  յաղթանակներ եւ յաջողութիւններ: