Գեղարքունիք մարզի Սոթք համայնքը, որ սահմանամերձ է Ատրպէյճանին, 2022 թուականի Սեպտեմբերի 13-ի կէսգիշերին դաժանօրէն ռմբակոծուած է ատրպէյճանցիներու կողմէ։
Պատերազմական վերջին գործողութիւններէն 5 ամիս անց մենք հանդիպեցանք Սոթքի համայնքապետ Խաժակ Մկրտչեանի եւ անոր տեղակալ Աշոտ Բարսեղեանի հետ։ Սոթքի համայնքապետը մեր հետ զրոյցի ընթացքին նշեց, որ Սոթքի բնակիչները երբեք պիտի չլքեն իրենց հայրենի հողը։
Հանդիպեցանք 2022 թուականի Սեպտեմբերին հայրենիքի պաշտպանութեան համար իր կեանքը զոհած Գէորգին հօր՝ Սմբատին հետ։ Գէորգին երիտասարդ կինը երեք ամսական յղի եղած է, երբ Գէորգ զոհուեցաւ, այնուհետեւ ծնաւ անոր տղան, զոր ի յիշատակ հօր՝ անուանեցին Գէորգ։
Հանդիպեցանք 2020 թուականին 18 տարեկան հասակին զոհուած Յովհաննէսին մօր՝ Մարինէ Յովանիսեանին հետ։ Անոր միակ ցանկութիւնն այն է, որ իր զաւկին մահը ի զուր չըլլայ։
Մարգարեաններու ընտանիքը նոյնպէս վերահաստատած է հայկական տարածքը պաշտպանելու եւ իր հողը երբեք չլքելու իրենց պատրաստակամութիւնը։ Սոթքի բնակիչները, որոնց հետ մենք հանդիպեցանք, բոլորն ալ չափազանց համարձակ էին։
Նշենք նաեւ Կարմիր խաչի առկայութեան մասին, որ կ’օգնէ ահաբեկչական յարձակումներուն եւ պատերազմի հետեւանքներուն պատճառով օգնութեան կարիք ունեցող ընտանիքներուն, նշած ենք պարէնի համաշխարհային ծրագիրին մասին, որ աշխոյժ կերպով կ’օգնէ այս տարածաշրջանի գիւղատնտեսութեան զարգացման՝ տրամադրելով սարքաւորումներ գիւղատնտեսութեան զարգացման եւ ոռոգման ցանցի բարելաւման համար։
ԼԻԴԻԱ, ՆՈՐՎԱՆ ԵՎ ՌՈՋԵՐ ԳԱՍՊԱՐՅԱՆ
Սոթքի քաղաքապետարանի ղեկավար Սևակ Խաչատրյանը , Սոթքի կատաղի դիմադրության մարտիկ ,ով ցույց է տալիս իր համերաշխությունը Արցախին
