Ատրպէյճանի վարչապետ Ալի Ասատով հերթական սադրիչ յայտարարութեամբ հանդէս եկած է «Սիւնիքի միջանցք»ին վերաբերեալ։

Ինչպէս կը տեղեկացնէ «APA» գործակալութիւնը, Ասատով, խորհրդարանին մէջ ներկայացնելով 2022թ. կառավարութեան գործունէութեան մասին հաշուետւութիւնը, յայտարարած է «միջազգային եւ տարածաշրջանային փոխադրական-չուագիտական միջանցքներու, մասնաւորապէս՝ «Սիւնիքի միջանցք»ի բացման մեծ նշանակութեան մասին»։

«Պաքուի իշխանութիւնը Սիւնիքի միջանցքի ծիրին մէջ կը շարունակէ իր տարածքին մէջ անհրաժեշտ ենթակառուցուածքի ստեղծման աշխատանքը։ Հորատիզ-Աղպենտ երկաթուղիի շինարարութեան աշխատանքները կատարուած են 38 տոկոսով, իսկ Հորատիզ-Ճապրայիլ-Զանկիլան-Աղպենտ մայրուղիին աշխատանքները՝ 74 տոկոսով։ Երկու ճանապարհներու շինարարութիւնը պիտի աւարտի 2024թ-ին»,- տեղեկացուցած է Ասատով։

Յիշեցնենք, որ «Սիւնիքի միջանցք» ըսելով նկատի կ’առնուին տարածքային նկրտումները Հայաստանի հանդէպ։

Ալի Ասատովի երազանքները շատ կարեւոր են Արեւմտեան Հայաստանի իշխանութեան համար, միայն թէ միջանցք հասկացութիւն գոյութիւն չունի միջազգային իրաւունքին մէջ, եւ ոչ անգամ «տարածք կամ ցեղասպանութիւն» հասկացութիւն։ Ատրպէյճանի կառավարութիւնը պատասխանատւութեան պիտի ենթարկուի 1920 թուականէն մինչեւ օրս իրականացուած Հայերու ցեղասպանութեան եւ հայկական ժառանգութեան ոչնչացման համար։