Յունիս 3-ին Սոչի քաղաքին մէջ տեղի է ունեցեր Երեւանի պետական համալսարանի Թիւրքագիտութեան ամբիոնի դոցենտ, Երեւանի պետական համալսարանի Հայագիտական հետազոտութիւններու ինստիտուտի հայ-օսմանական առնչութիւններու բաժնի վարիչ, բանսիրական գիտ. թէկնածու Լուսինեէ Սահակեանի՝ 2019 թ. հրատարակած «Համշէնը հայկական ձեռագիրներու մէջ» գիրքի ռուսերէն թարգմանութեան շնորհանդէսը:
Գիրքին մէջ հեղինակը քննութեան կենթարկէ XIII-XVII դարերուն Համշէնի գաւառին մէջ եւ հոգեւոր այլ կեդրօններու մէջ համշենցի գրիչներու ընդօրինակած ձեռագիրներու յիշատակարանները:
Այս աղբիւրներու մէջ տեղ գտած բացառիկ փաստերն ու վկայութիւնները հնարաւորութիւն կընձեռեն որոշակի պատկերացում կազմելու XIII-XVII դարերուն գաւառի քաղաքական, հոգեւոր-մշակութային կեանքի, բնակչութեան զբաղմունքի, լեզուական վիճակի, ժողովրդական հավատալիքներու մասին:
Ռուսերէն գիրքին մէջ առաջին անգամ հրատարակուեր է նաեւ Համշենի XV-XVII դարերու բնակավայրերու քարտէզը:
Սոյն յետազօտութիւնը իրականցուեր է Երեւանի պետական համալսարանի հայագիտական յետազօտութիւններու ինստիտուտի եւ Հայաստանի Հանրապետութեան Գիտութեան կոմիտէի թեմաներու շրջանակներու մէջ: