Եվրոպական խորհրդարանի գերմանացի երեսփոխան Մարտին Զոնեբորնի խօսքով` Բաքուի կողմէն Բերձորի ճանապարհի արգելափակումին յետեւանքով Արցախ ստեղծուած իրավիճակն անտանելի եւ անընդունելի է։

Բրյուսէլ «Արմենպրես»-ի թղթակիցին հետ զրոյցին ընթացքին Զոնեբորնը ըսեր է.«Չնայած Եվրախորհրդարանը, Եվրոպայի խորհուրդի խորհրդարանական վեհաժողովը եւ բազմաթիւ կառաւարութիւններ կոչ են ըրեր Բաքուն բացիլ Բերձորի ճանապարհը՝ Բաքուն կը շարունակէ խստացնիլ շրջափակումը՝ նոյնիսկ Կարմիր Խաչի միջազգային կոմիտէն թոյլ չտալով մարդասիրական օգնութիւն տրամադրիլ։ ՄԱԿ-ի դատական մարմինը՝ Արդարադատութեան միջազգային դատարանը, իրաւաբանօրէն պարտադիր կարգով յայտարարեց, որ Բաքուն պետք է դիւրացնէ բեռներու եւ մարդոց անարգել փոխադրումը Բերձորի ճանապարհով։ Մինչ Եվրախորհրդարանը պահանջեր էր պատժամիջոցներ կիրառիլ Բաքուի կառաւարութեան պաշտօնեաներու յանդէպ, եթէ անոնք չկատարեն դատարանին հրամանը, Եվրոպական Խորհուրդի նախագահ Շառլ Միշէլը վերջերս ողջունեց Բաքուի իշխանութիւններու առաջարկը՝ անոնց կողմէն մարդասիրական օգնութիւն տրամադրելու վերաբերեալ: Սա աղետալի ազդանշան է, քանի որ Բաքուն եւս մէկ անգամ կը պարգեվատրուի միջազգային իրաւունքին չյետեւելու համար։ Արդարատատութեան միջազգային դատարանի պարտաւորեցնող հրամանի կատարումը պետք է նախապայման ըլլայ ԵՄ-Բաքու ցանկացած համագործակցութեան համար»։

Ըստ եվրախորհրդարանականի՝ քանի դեռ Եվրամիութիւնը ճնշում չի գործադրեր Բաքուին վրայ դատարանի որոշումը կատարելու հարցով, մեղսակից է Բաքուի իշխանութիւններու անմարդկային օրակարգին։